Қазақстандық семсерші Вадим Шарлаимов 13 қарашада Швейцарияның Берн қаласында өткен Әлем кубогы кезеңінде шпагамен семсерлесуден жеке жарыста қола жүлдегер атанды. Әлем кубогы — Халықаралық семсерлесу федерациясының (FIE) халықаралық турнирлер сериясы, оның қорытындысымен спортшылардың әлемдік рейтингі жасалады. Қазақстандықтың табысы туралы Қазақстан Ұлттық олимпиада комитетінің баспасөз қызметі хабарлады.
Шарлаимов жартылай финалға шығып, медальді қамтамасыз етті: семсерлесуде үшінші орын үшін белдесу өтпейді, жартылай финалда жеңілген екі спортшы да қола медаль алады. Финалға шығу үшін өткен белдесуде қазақстандық венгриялық Гергей Шиклошимен кездесіп, 4:15 есебімен жеңілді.
Қазақстандық шпагашылар жаңа маусымды сәтті бастады. Қазан айында ерлер командасы Мароккодағы Әлем кубогының командалық кезеңінде финалда Ресей құрамасын 45:40 есебімен ұтып, жеңіске жетті және алғаш рет әлемдік командалық рейтингте бірінші орынға шықты.
