Леверкузеннің «Байері» 20 жастағы шабуылшы жартылай қорғаушы Ибрахим Мазаға ұсынысын жақсартып, онымен 2031 жылға дейінгі жаңа келісімшарт бойынша келіссөз жүргізіп жатыр, деп хабарлайды Sky Sport. Келіссөздер соңғы кезеңге жеткен, ойыншының түпкілікті шешімі жақын күндері күтіледі.
Sky Sport мәліметінше, жаңа келісімшартта босату сомасы болмайды: Мазаны сатып алғысы келетін клуб трансфер туралы «Байермен» келісуге мәжбүр болады. Қазіргі келісімшарт 2030 жылға дейін жасалған. Sky Sport сілтеме жасаған Bild дерегінше, алжирлік ойыншының жалақысы салық шегерілгенге дейін жылына шамамен 2,5 млн еуродан 4 млн еуроға дейін — 2 млрд теңгедей — өседі, оған қоса нәтиже үшін бонустар төленеді.
Бұған дейін Sky ПСЖ қысқы трансфер терезесінде Мазаға қызығушылық танытқанын жазған. Bild жартылай қорғаушыны 2025 жылдың жазында Флориан Вирц сатылғаннан кейінгі «Байердегі» келесі «100 миллиондық ойыншы» деп атайды.
Маза «Байерге» 2025 жылдың жазында «Гертадан» 12 млн еуроға — 5,9 млрд теңгедей — ауысқан. Осы маусымда ол 14 матч өткізіп, 4 гол соқты және 4 нәтижелі пас берді. Алжир құрамасы сапында Маза 24 матч ойнады.
