«Ақтөбе» команда капитаны, украиналық қорғаушы Иван Ордецпен келісімшартты ресми түрде ұзартты. Бұл туралы клубтың баспасөз қызметі хабарлады. Ордец келесі маусымда да «қызыл-ақтар» сапында ойнайды, жаңа келісімнің мерзімін клуб жарияламады.
2026 жылғы маусымда 34 жастағы қорғаушы барлық турнирде 27 ойын өткізіп, бес гол соқты және бір нәтижелі пас берді. «Ақтөбе» Премьер-лигада 49 ұпаймен бесінші орын алды.
Клуб капитанмен келісімшартты ұзартқанын Instagram-да жариялады:
Ордец «Ақтөбеге» 2026 жылғы маусым алдында еркін агент ретінде келді: 2025 жылдың жазында Германияның «Бохумынан» кеткен соң ол клубсыз жүрген. Донецк «Шахтерінің» түлегі 2019–2024 жылдары Мәскеу «Динамосында» ойнап, Украина құрамасы сапында да өнер көрсеткен.
Бұған дейін «Ақтөбе» қақпашы Александр Заруцкиймен және жартылай қорғаушы Георгий Жуковпен келісімшартты ұзартқан. Ал бапкер мәселесі әлі шешілген жоқ: Игорь Черевченконың келісімшарты 1 қарашада аяқталды, тараптар жаңа келісім туралы келіссөз жүргізіп жатыр.
