«Барселона» қысқы трансфер терезесінде Гавимен қоштаспақ емес, дегенмен жартылай қорғаушы Ханс-Дитер Фликтің тұсында алаңға сирек шығып жүр. Бұл туралы Marca хабарлайды. Басылымның мәліметінше, 22 жастағы хавбек өз жағдайына толық риза емес, бірақ қаңтарда кетуді ойламайды.
Гавиге «Наполи» мен «Бавария» қызығушылық танытып отыр, оның жағдайын басқа да ірі клубтар сұрастырған. Бір апта бұрын футболшының агенті Иван де ла Пенья Sport басылымына берген сұхбатында ауысу мүмкіндігін жоққа шығарған: «Мен ешкіммен келіссөз жүргізген жоқпын. Гави қалады».
Осы маусымда Гави барлық турнирде тоғыз ойында небәрі 227 минут ойнады. Орта шептегі орын үшін бәсекеде ол Педри, Родри, Марк Бернал, Френки де Йонг, Дани Ольмо және Фермин Лопестен қалып қойып отыр, ал ойын тәжірибесінің жетіспеуінен Испания құрамасының қарашадағы матчтарына шақырылмады. Дегенмен Marca жазғандай, Флик жартылай қорғаушыны әлі де жоғары бағалайды, ал екеуінің ерекше қарым-қатынасына бұл жағдай нұқсан келтірмеген.
Гавидің «Барселонамен» келісімшарты 2030 жылға дейін жарамды. Жазда ол Испания құрамасының сапында әлем чемпионы атанды. 12 турдан кейін «Барса» 33 ұпаймен Ла Лиганың көшін бастап тұр.
