«Ливерпуль» «Брайтонның» 19 жастағы қорғаушысы Лука Вушковичті жазғы трансфер терезесіне арналған үміткерлер тізіміне қосты. Бұл туралы Sky Sport Germany журналисі Флориан Плеттенберг хабарлады. Оның дерегінше, «Ливерпульде» хорват футболшысының ойынын үнемі бақылап отыр.
Вушковичті сатып алу оңай болмайды. Оның «Брайтонмен» келісімшарты 2031 жылға дейін жарамды, келесі жазда онда өтемақы туралы тармақ болмайды, ал қорғаушы шамамен 100 млн еуроға (49,5 млрд теңгедей) бағаланады. Оның үстіне, Плеттенбергтің жазуынша, «Вушкович Фабиан Хюрцелердің жетекшілігінде өте бақытты. Алайда оның арманы — бір күні «Реал Мадридке» ауысу».
Плеттенбергтің X желісіндегі жазбасы:
🚨🆕 Liverpool have Luka Vuskovic on their shortlist for next summer. The 19 y/o top defender is being monitored regularly. #LFC His contract at Brighton is valid until 2031. No release clause will be available next summer. Current price valuation: around €100m (+/-). Vuskovic is very happy under Fabian Hürzeler. However, his dream is to join Real Madrid one day. @SkySportDE 🇭🇷
— Florian Plettenberg (@Plettigoal) November 12, 2026
Вушкович жазда «Тоттенхэмнен» «Брайтонға» ауысты, оған дейін бір маусымды «Гамбургте» жалға ойнап өткізді. Премьер-лиганың 10 турынан кейін «Брайтон» 22 ұппен екінші орында келеді, ал хорват негізгі құрамда шыққан 10 ойында бір гол соқты. «Ливерпуль» үшін орталық қорғаныс мәселесі өткір тұр: капитан Вирджил ван Дейктің келісімшарты 2027 жылдың жазында аяқталады, ал ол келісімшарт біткен соң клубтан кетуді жоққа шығармады.
