Райан Рейнольдс пен Хью Джекман «Кек алушылар: Қиямет күні» фильмі сценаристерінің қатарына ресми түрде енді. АҚШ сценаристер гильдиясы (WGA) фильмнің титрларын өз дерекқорына енгізді, онда «Дэдпул мен Росомаха» жұлдыздарына «қосымша әдеби материал» кредиті берілген. Бұған 12 қарашада Variety басылымы назар аударды.
Титрларда сценарий авторлары ретінде Стивен Макфили мен Майкл Уолдрон көрсетілген. Рейнольдс пен Джекман сияқты қосымша материал үшін кредитті тағы алты адам алды: Эрик Пирсон, Крис Маккенна, Эрик Соммерс, Джефф Лавнесс, Эндрю Лэнэм және режиссер Дестин Дэниел Креттон. Фильм мәтінімен барлығы он автор жұмыс істеген.
Алайда Marvel Дэдпул мен Росомаханың «Қиямет күнінде» пайда болатынын әлі ресми түрде растаған жоқ, деп атап өтті Entertainment Weekly. Рейнольдстің өзі 2025 жылы басылымға фильмнің түсірілім алаңына табан баспағанын айтқан.
«Кек алушылар: Қиямет күні» прокатқа 18 желтоқсанда шығады. Фильмді ағайынды Энтони және Джо Руссолар түсіріп жатыр, ал басты зұлым кейіпкер — Доктор Думды Роберт Дауни кіші сомдайды.
50 жастағы канадалық Райан Рейнольдс — «Дэдпул» франшизасының жұлдызы, ал 58 жастағы австралиялық Хью Джекман 17 жыл бойы Росомаханы ойнады. Рейнольдс үшін сценарий жазу жаңалық емес: ол «Дэдпул мен Росомаха» фильмі авторларының бірі болған. 2024 жылғы бұл фильм әлемдік прокатта 1,3 млрд доллардан астам, яғни 578 млрд теңгеден астам табыс тапты.
