Қазақстан құрамасының қорғаушысы Темірлан Ерланов «Ақтөбеден» Қостанайдың «Тобылына» ауысуы мүмкін. ASnews.kz хабарлауынша, 33 жастағы футболшының ақтөбелік клубпен келісімшарты аяқталған, қазір тараптар жаңа келісім туралы келіссөз жүргізіп жатыр.
Басылымның деректері бойынша, «Ақтөбе» Ерлановты сақтап қалғысы келеді, бірақ келіссөз барысында қаржылық шарттарды төмендетуге тырысып отыр. Бұл жағдайды «Тобыл» пайдаланбақ: ASnews.kz қостанайлықтардың тәжірибелі қазақстандық футболшыны алуды жоспарлап, оған ұсыныс жасағанын еске салады. Басылымда сомалар айтылмаған.
Аяқталған маусымда Ерланов «Ақтөбе» сапында барлық турнирде 28 ойын өткізіп, алты гол соқты және бір рет гол пасын берді. Ұлттық құрама сапында оның 23 ойыны мен екі голы бар. Басылымның деректері бойынша, қорғаушының трансферлік құны — 450 мың еуро, бұл шамамен 223 млн теңге.
«Ақтөбе» 2026 жылғы чемпионатты бесінші орынмен аяқтап, жаңа маусымға дайындалып жатыр: жақында клуб Георгий Жуковпен келісімшартты ұзартты. Сонымен қатар инсайдер Эльдар Аманбаевтың деректері бойынша, ақтөбеліктер «Ордабасымен» бірге құраманың тағы бір қорғаушысы — «Елімайдағы» Арсен Әшірбекке үміткер. «Тобыл» болса маусымаралық кезеңде қақпашы Устименкомен келісімшартты ұзартып үлгерді.
