Қазақстанның U-19 жасөспірімдер құрамасы 2027 жылғы Еуропа чемпионатының іріктеуіндегі екінші раундтың алғашқы турында Шотландиядан 1:3 есебімен жеңілді. А лигасының A2 тобындағы ойын 11 қарашада Шотландияның Эрдри қаласында өтті. Томми Норт 45 және 48-минуттарда екі гол соқса, 78-минутта Льюис Гилли тағы бір доп салды. Қазақстан құрамасынан 67-минутта Дінмұхаммед Махмудов көзге түсті.
Топтағы екінші ойында Бельгия Косовоны 2:0 есебімен ұтты. Шотландия мен Бельгия үш ұпайдан жинады, ұпайсыз Қазақстан үшінші орында тұр, ал Косово кесте соңында. Тимур Қасымов шәкірттері 14 қарашада Бельгиямен ойнайды, 17 қарашада Косовомен кездесіп, турнирді аяқтайды. А лигасында қалып, Еуроға жолдама үшін күресті жалғастыру үшін қазақстандықтарға топта алғашқы үштікке ену керек.
Шотландиядағы шағын турнирге Қасымов 28 ойыншы шақырды, құраманың негізін «Қайрат» футболшылары құрады. Жазда іріктеудің бірінші раундында U-19 құрамасы А лигасындағы орнын сақтап қалған еді.
