Қазақстан футзал қауымдастығының президенті Нұрсұлтан Құрман қызметінен кететінін мәлімдеді. 11 қарашада ол қауымдастық басшысы ретіндегі жұмысын аяқтау туралы шешім қабылдағанын айтып, әріптестеріне, клуб басшыларына, жаттықтырушыларға, спортшыларға, жанкүйерлерге және Қазақстан Футбол Федерациясының президенті Марат Омаровқа алғыс білдірді. Құрманның сөзінше, оның жаңа жоспарлары мен жобалары бар, ол бұл туралы кейін толығырақ айтатынын жеткізді.
Құрман кететіні туралы мәлімдемесін Instagram парақшасында жариялады.
Құрман — спорт менеджері әрі журналист. 2023–2024 жылдары ол футзал қауымдастығының вице-президенті болып, медиастратегия мен коммуникацияға жауап берді. 2025 жылғы қаңтардан бастап ҚФФ президентінің кеңесшісі қызметін атқарып, кейін федерацияның атқару комитетіне енді, ал 2025 жылы қауымдастықты басқарды.
Құрман бұл шешімін Қазақстанның футзал құрамасы 2028 жылғы әлем чемпионатының іріктеуінде Словакияның Гуменне қаласында Беларусьтен 1:5 есебімен жеңілгеннің ертеңінде жариялады. Осы ойыннан кейін алты ұпай жинаған Беларусь 6-топтың көшін бастады, ал үш ұпайы бар Қазақстан екінші орынға түсті. Іріктеудегі келесі ойынын қазақстандықтар 9 желтоқсанда Албанияға қарсы өткізеді. Сол күні Құрман бұған дейін жеке жарияланымында өзіне берілген уәделер орындалмағанын, ал ұлттық құраманың жиыны туралы телефон арқылы ғана білгенін айтқан еді.
