Қазақстанның U-19 жасөспірімдер құрамасының бас бапкері Тимур Қасымов Еуропа чемпионаты-2027 іріктеуінің екінші раундына 28 футболшы шақырды. A лигасының A2 тобындағы ойындар 11–17 қараша аралығында Шотландияда өтеді.
Қазақстан құрамасы 11 қарашада алаң иелерімен, 14 қарашада Бельгиямен, 17 қарашада Косовомен ойнайды. Топтағы үздік үш команда A лигасында қалып, 2027 жылы көктемде іріктеудің үшінші раундына шығады. Егер A лигасында орын босаса, мысалы, финалдық турнирді қабылдайтын Чехияға байланысты, ол орынға төртінші орын алған командалардың ең үздігі ие болады.
Тізімнің негізін «Қайрат» ойыншылары құрайды – олар 13. Тағы төрт футболшы шетелдік клубтарда ойнайды: Шыңғыс Қалиев («Кастельон», Испания), Аламгир Смақов («Бешикташ», Түркия), Алдияр Нұрғали («Леванте», Испания) және Шахмұрат Дәулетов («Генк», Бельгия).
Қақпашылар: Бахтияр Алдашев («Қайрат»), Никита Килджиев («Шахтер»), Мадияр Төлеубек («Батыр»).
Қорғаушылар: Нұрәлі Азатқазы («Шахтер»), Санат Нұрболат, Райымбек Кеңесбеков, Ақежан Қалиқұлов, Абдулазиз Мамедов (бәрі – «Қайрат»), Данил Соболев, Әділет Сансызбай (екеуі де – «Тұран»), Әлихан Жексенбек («Астана»), Шыңғыс Қалиев («Кастельон», Испания), Хасен Артурұлы («Ақтөбе»).
Жартылай қорғаушылар: Нұрхан Қағазбаев («Шахтер»), Евгений Петрик, Төре Исмағұлов, Қайсар Малаев, Әліден Мұсайыпов (бәрі – «Қайрат»), Аламгир Смақов («Бешикташ», Түркия), Дінмұхаммад Махмудов («Оңтүстік»), Арафат Молдағалиев, Рамзес Рашидов (екеуі де – «Тұран»).
Шабуылшылар: Абылай Төлеухан, Дәулет Орынбасар, Ермұхаммад Керімхан, Абылай Жылқайдар (бәрі – «Қайрат»), Алдияр Нұрғали («Леванте», Испания), Шахмұрат Дәулетов («Генк», Бельгия).
Жазда іріктеудің бірінші раундында U-19 құрамасы A лигасындағы орнын сақтап қалған. Қазіргі тізімдегі көп ойыншы УЕФА Жасөспірімдер лигасында «Қайрат» сапында да ойнап жүр, онда алматылықтар Будапештте МТК-ны ұтқан.
