Русланжан Раимбакиев басқаратын Қазақстанның U-17 жасөспірімдер құрамасы Еуропа чемпионаты-2027 іріктеуінің бірінші раундына 29 футболшы шақырды. 14-топтың ойындары 11–17 қараша аралығында Грузияда өтеді.
Қазақстан құрамасының қарсыластары – Австрия және турнир иесі Грузия. Австриямен 14 қарашада, Грузиямен 17 қарашада ойнайды.
УЕФА-ның жаңартылған форматы бойынша топтағы үздік екі команда 2027 жылы көктемде A лигасында ойнайды. Латвияда өтетін финалдық турнирдің қатысушылары сонда анықталады. Үшінші орын алған команда B лигасының екінші раундында күресін жалғастырады.
Тізімнің жартысына жуығы – «Қайрат» ойыншылары, олар 14. Тағы алты футболшы ҚФФ академиясынан, төртеуі «Шахтерден». Шетелде екі ойыншы өнер көрсетеді: Салим Хасанов («Вильярреал», Испания) және Малик Саитов («Рамзан» академиясы, Ресей).
Қақпашылар: Абай Заманбек, Евгений Кравцов (екеуі де – ҚФФ академиясы), Матвей Ковальчук («Қайрат»), Байжан Асхат («Шахтер»).
Қорғаушылар: Әлихан Әбди, Кирилл Плачинда, Георгий Гречка, Ислам Рашидов, Ильдар Датхабаев (бәрі – «Қайрат»), Абылай Тоқтасын («Шахтер»), Данияр Қаси, Михаил Турищев (екеуі де – ҚФФ академиясы), Никита Лисохмар («Тобыл»), Бекнұр Талғатов («Тараз»).
Жартылай қорғаушылар: Дарын Ибадильда, Нұрәлі Салимов, Әлижан Зару, Әлихан Ахилбаев, Тамерлан Сарсымбаев (бәрі – «Қайрат»), Әли Садырбаев, Тимур Казанцев (екеуі де – «Шахтер»), Давид Заречный, Артем Шалыгин (екеуі де – ҚФФ академиясы), Салим Хасанов («Вильярреал», Испания), Малик Саитов («Рамзан» академиясы, Ресей).
Шабуылшылар: Ибраһим Асан, Нұрхад Нұрымов, Роман Черноморец (бәрі – «Қайрат»), Әнуар Төленді («Астана»).
Қазан айында құрама Шымкентте жиын өткізді. Онда қазақстандық жасөспірімдер Өзбекстанды пенальти сериясында жеңді, ол ойында Әнуар Төленді хет-трик жасады. Ресеймен кездесуде Ислам Рашидовтың голы арқасында 2:1 есебімен жеңіске жетті.
