Леонардо Ди Каприо 52 жасқа толуына орай Беверли-Хиллзде кеш өткізді. Мереке 14 қарашада, сенбі күні кешке өтті – Қазақстанда бұл уақытта жексенбінің таңы еді. Кешке Тоби Магуайр, Аль Пачино, Джона Хилл, Орландо Блум және Amazon негізін қалаушы Джефф Безос келді. Бұл туралы TMZ хабарлап, қонақтардың суреттерін жариялады.
Актердің туған күні 11 қарашада, сәрсенбіде болған, бірақ ол достарын тек демалыс күні жинады. Жастайынан дос болған Тоби Магуайр әдеттегідей кепкамен келді. «Бір кездері… Голливудта» фильміндегі әріптесі Аль Пачино ұлының анасы Нур Альфалламен бірге келді. «Уолл-стриттің қасқырында» бірге түскен Джона Хилл кешке спорттық киіммен келді.
Қонақтардың арасында басқа буын жұлдыздары да болды: рэпер Ice Spice, актриса Элизабет Бэнкс, модель Кара Делевинь және рэпер 50 Cent, деп жазады Just Jared. Басылымның мәліметінше, мерекеге актердің әкесі Джордж Ди Каприо да қатысқан. Ди Каприоның өзі кеш туралы көпшілік алдында ештеңе айтқан жоқ.
Ди Каприоның туған күндері бағанан бері Голливудтың сән-салтанатты оқиғасына айналды: ол мерекесін жабық түрде, бірақ ең танымал достарының ортасында өткізеді. 2024 жылы 50 жасқа толған мерейтойы да осылай өткен.
Леонардо Ди Каприо – әлемдегі ең танымал актерлердің бірі, «Тірі қалған» фильмі үшін «Оскар» иегері. Соңғы үлкен жұмысы – Пол Томас Андерсонның «Шайқас артынан шайқас» фильміндегі басты рөл.
