Ким Кардашьян «Бәрі әділ» (All’s Fair) сериалындағы әріптестеріне Balenciaga сөмкелерін, шопинг пен бүкіл денені МРТ арқылы тексеруді сыйлап жүр. Бұл туралы сериалдағы әріптесі, актриса Сара Полсон 10 қарашада шыққан Vogue журналының The Run-Through подкасында айтты. «Ким — шынымен жомарт адам», — деді Полсон.
Оның айтуынша, бірінші маусымнан кейін барлық актрисалар бірдей көлемдегі бірдей қара Balenciaga сөмкелерін алған. «Бірінші маусымда бізге Balenciaga сөмкелері тиді. <…> Өте жақсы сөмкелер», — деп еске алды Полсон. Екінші маусымның түсірілімінен кейін Кардашьян әрқайсысына NikeSKIMS сөмкесін сыйлап, оларды дүкен аралатқан. «Мехикодағы дүкенге бардық <…> бұл шабуыл сияқты болды», — деді актриса. «Ол: „Не қаласаңдар, соны алыңдар“, — деді. Ал мен: „Шын ба? Не қаласам, сол ма?“ — дедім», — деп қосты Полсон. Оның сөзінше, тағы бір сыйлық — Prenuvo сканерлеуі, яғни бүкіл денені МРТ-дан өткізу.
Сыйлықтардың бәрі бірдей кәдеге жарай қойған жоқ. Полсон 2 қарашада екінші маусымның тұсаукесерінде Good Morning America-ға берген сұхбатында Кардашьянның актрисаларға албырт балықтың шәуеті қосылған бет күтімі процедурасын сыйлағанын айтқан: «Оны ешқайсымыз пайдаланбадық». «Біз әрқашан олар пайдаланбай қоятын сыйлықтар береміз», — деп сөзге араласты сонда Кардашьян. Ол сертификаттар «шамамен бірнеше ай ішінде» пайдаланылмаса, оларды өзі қолданатынын айтты. «Бірақ олардың мерзімі өтпейді», — деп нақтылады Кардашьян.
«Бәрі әділ» — Райан Мёрфидің заң драмасы, онда Кардашьян ажырасу істері бойынша адвокатты сомдайды. Сериалда онымен бірге Наоми Уоттс, Ниси Нэш-Беттс, Тияна Тейлор және Сара Полсон ойнайды. Екінші маусым 2026 жылғы 4 қарашада Hulu мен Disney+ платформаларында шықты. Ким Кардашьян — реалити-шоу жұлдызы әрі Skims киім брендінің негізін қалаушы.
