Алматыдағы қайталама тұрғын үй нарығында бір шаршы метрдің орташа бағасы 21–28 наурыз аралығында 6,58%-ға өсіп, 451 мың теңгеге (шамамен 1314 доллар) жетті. Бұл деректерді Homsters.kz порталының сарапшылары келтірді.
Сарапшылардың байқауынша, наурыздың соңында пәтер сатушылар бағаны қайтадан көтере бастаған.
Бостандық ауданы қаладағы ең сұранысқа ие аудан болып қалды, бірақ мұндағы ұсыныстар саны бір аптада 15%-ға азайды. Аудандағы бір шаршы метрдің орташа бағасы қала бойынша көрсеткішке қарама-қарсы 7,4%-ға төмендеп, 485 мың теңге (шамамен 1412 доллар) болды.
Алматыда ең көп сұранысқа екі бөлмелі пәтерлер ие болды. Олардың бір шаршы метрі Алмалы ауданында 458 мың теңгеден (шамамен 1332 доллар) Бостандық ауданында 486 мың теңгеге (шамамен 1415 доллар) дейін бағаланды. Қаладағы ең қымбат аудан Медеу ауданы болып қалды: мұнда бір шаршы метр үшін 615 мың теңге (шамамен 1789 доллар) сұралды.
«Радиоточка» материалдары бойынша.
