Нигерия құрамасының жартылай қорғаушысы Аруна Лукман «Астана» футбол клубымен келісімшартқа қол қойды. Ойыншыға құқық киевтік «Динамоға» тиесілі, сондықтан ол қазақстандық клубта жалға алу негізінде өнер көрсетеді.
Лукман 25 жаста. Бұған дейін ол «Монако» (Франция), «Говерла» (Украина) және «Анжи» (Ресей) клубтарында ойнаған, ал Нигерия құрамасының сапында 2008 жылдан бері өнер көрсетіп келеді.
Жартылай қорғаушының жетістіктері арасында 2007 жылғы жасөспірімдер арасындағы әлем және Африка чемпионаттарының алтын медальдары, сондай-ақ Украина чемпионатының күміс және қола медальдары бар.
«Астанада» Лукман 20-нөмірмен ойнайды.
«Радиоточка» материалдары бойынша.
