«Вечерний Талдыкорган» газеті Алматы облысындағы көр қазушылар арасында кім көрді тезірек қазатынын анықтайтын сайыс жариялады. Хабарландырудың скриншотын 2016 жылғы 1 шілдеде Facebook желісінің қолданушысы Артём Дерягин жариялап, жазба әлеуметтік желіде тез тарады.
Хабарландыруға қарағанда, сайысқа екі адамнан тұратын командалар қатысуы тиіс еді. Редакция Текелі, Талдықорған, Үштөбе, Көксу және Қарабұлақтың көр қазушыларын күтіп, төрешілер мен сарапшыларды да шақырған. Байқауды кім ұйымдастырып отырғаны және не үшін өткізілетіні мәтінде айтылмаған.
Желі қолданушылары бұл хабарды әзілмен қабылдады. «Кім бірінші қазып, жатып, үстін көміп үлгерсе, сол жеңеді. Бонусы ― Дарвин сыйлығы», — деп жазды пікір қалдырушылар.
Кейін газет редакциясы сайыстың күші жойылғанын нақтылады: байқау өтпеді және өткізілмейді, өйткені қатысушы табылмаған.
NewTimes.kz, Tengrinews.kz және Lada.kz материалдары бойынша.
