2026 жылғы 26 қазанда Қытайдың батысындағы Шыңжаң-Ұйғыр автономиялық ауданында 4,7 магнитудалы жер сілкінісі болды. Бұл туралы Қазақстанның ұлттық деректер орталығы хабарлады. Дүмпу Астана уақытымен сағат 12:48-де (Гринвич уақытымен 07:48-де) тіркелді.
Жер сілкінісінің эпицентрі солтүстік ендіктің 40,28 градусы мен шығыс бойлықтың 77,92 градусында орналасқан. Оның энергетикалық класы 11,5-ке тең.
Қырғызстан Ұлттық ғылым академиясының Сейсмология институты нақтылағандай, эпицентр Нарыннан оңтүстік-шығысқа қарай шамамен 211 шақырым жерде болған. Эпицентрдегі дүмпу күші 4 балл деп бағаланды. Қырғызстанның елді мекендерінде жер сілкінісі сезілмеген.
Сейсмологтардың хабарламаларында зардап шеккендер мен қираған үйлер туралы дерек жоқ.
Қытайдың батысы сейсмикалық белсенді аймақ саналады. Қыркүйекте Шыңжаңда Куча қаласынан батысқа қарай 5,0 магнитудалы дүмпу тіркелген еді. Ал 22 қазанда Тибеттегі 7 магнитудалы жер сілкінісі 16 адамның өмірін қиды.
