Оңтүстік Қазақстан облысы Сайрам ауданының Манкент ауылында тойға келген қонақтардың бірі мылтықпен оқ атты. Тойдың бес қонағы оқтан жараланды. Бұл туралы Otyrar.kz сайтына сілтеме жасап, «Радиоточка» хабарлады.
Оқиға 4 қыркүйекте болған. Otyrar.kz мәліметінше, оқты той қонақтарының бірі атқан. «Нәтижесінде бес қонақ оқ жарақатын алды», – делінген хабарламада.
Хабарламада оқ атқан адамның аты-жөні және зардап шеккендердің жағдайы айтылмаған. Оқ ату дерегі бойынша тексеріс жүргізіліп жатыр.
Сайрам ауданы Оңтүстік Қазақстан облысының орталығы – Шымкент қаласының іргесінде орналасқан.
«Радиоточка» материалдары бойынша.
