Бүгін, 7 қарашада, Холодец күні атап өтіледі. Бұл — бір отбасыларда холодец, енді бірінде студень деп аталатын тағамға арналған бейресми аспаздық мереке.
Холодец — көне тағам. Орыс жазбаларында ол XVI ғасырда-ақ, «Домостройда» кездеседі. Оның арғы атасы солтүстіктегі көшпелі халықтардың аязда қатып қалған ет сорпасы деп саналады. Ұқсас тағамдар басқа халықтардың асханасында да бар: Грузияда мужужи, Германияда зельц әзірлейді.
Нағыз холодец желатинсіз пісіріледі. Ол өздігінен қатады, өйткені қазанға қатыратын заттарға бай мүшелер салынады: аяқ, құйрық, құлақ, кейде бас. Көбіне шошқа не сиыр етін алады, тауық етінен жасалатын түрі де бар. Холодецтің «заливное» тағамынан айырмасы да осында: оған желатин қосады. Тағамды суық күйінде, жиі хренмен ұсынады. Ресейде холодецке арналған фестивальдер де өтеді: Павловский Посадта «Русский холодец» фестивалі ұйымдастырылады. 2019 жылы онда салмағы 263 килограмнан асатын холодец көрсетілді.
Холодецті сиыр етінен пісірем деушілерге сүйекті ет керек болады. Ұлттық статистика бюросының дерегінше, 2026 жылғы 7 қазанда сүйекті сиыр етінің бір килограмы орта есеппен 3816 теңге тұрған. Ең қымбаты — Алматыда, 4168 теңге, ал салыстыруға енген қалалардың ішінде ең арзаны — Ақтөбеде, 3402 теңге. Бір жылда сүйекті сиыр еті 8,9%-ға қымбаттады.
