UFC 2027 жылғы алғашқы алты турнирін ресми түрде жариялады. Олар 16 қаңтар мен 20 ақпан аралығында өтеді, деп хабарлайды MMA Junkie. Бұл кезеңнің басты оқиғасы — 30 қаңтарда Торонтода өтетін UFC 336. Онда бірден екі белбеу үшін жекпе-жек болады.
Scotiabank Arena-да ең жеңіл салмақтағы (57 келіге дейін) чемпион Джошуа Ван атағын Манель Кейпке қарсы қорғайды. Сол кештің өзінде Карлос Пратес пен Майкл Моралес жартылай орта салмақтағы (77 келіге дейін) уақытша белбеуді сарапқа салады. Ислам Махачев осы жұптың жеңімпазымен кездескісі келетінін айтқан.
Жыл басындағы толық кесте мынадай:
- 16 қаңтар, Даллас, American Airlines Center — Яир Родригес пен Стив Гарсия, екінші басты жекпе-жекте Роберто Солдич пен Даниэль Родригес;
- 23 қаңтар, Лас-Вегас, Meta APEX — жартылай орта салмақта Шон Брэди мен Габриэл Бонфим;
- 30 қаңтар, Торонто — Ван — Кейп және Пратес — Моралес жекпе-жектері бар UFC 336;
- 6 ақпан, Сидней, Qudos Bank Arena — Куиллан Салкилд пен Бенуа Сен-Дени;
- 13 ақпан, Кливленд, Rocket Arena — орта салмақта бес раундтық Бо Никал мен Джо Пайфер жекпе-жегі;
- 20 ақпан, Орландо, Kia Center — UFC 337, басты жекпе-жек әлі белгісіз.
Брэди мен Бонфимнің жекпе-жегі алғашында қарашаға жоспарланған еді, бірақ турнир аптасында тоқтатылды. Енді екі жекпе-жекші торға қаңтарда шығады.



