UPD: Майли Сайрус пен Макс Морандо үйленді, қалыңдық неке рәсімінде жылап алды — толығырақ
Майли Сайрус 21 қарашада, сенбіде, музыкант Макс Морандоға тұрмысқа шығып жатыр. Күйеу жігіт Калифорниядағы Палм-Спрингс қаласындағы той өтетін жерге келіп үлгерді, жұп сол күні кешке қарай некелеседі, деп хабарлады TMZ және фотосуреттерін жариялады. Морандо жергілікті уақытпен сағат 15:00 шамасында — Астана уақытымен 22 қарашада сағат 04:00-де келді. Сайрус пен Морандоның өзі де, олардың өкілдері де тойды әзірге ресми түрде растаған жоқ.

TMZ мәліметінше, Морандо жасыл пиджак пен қара шалбар киіп келген. Одан ертерек той алаңына әншінің анасы Тиш Сайрус ақ футболка, джинсы және кепка киіп жетті. Оған дейін папарацци оның көлікте толқып жылағанын, ал жұбайы, актер Доминик Пёрселлдің оны құшақтағанын түсіріп алған. Таңертең жұмысшылар алаңға ақ раушандардан жасалған үлкен гүл шоқтарын кіргізіп, банкетке ақ дастархан жабылған үстелдер қойды.

Бір күн бұрын, жұма күні, жұп туыстарына дайындық кешкі асын берді. Сайрус пен Морандо той өтетін жерге жақын мейрамханаға Тиш Сайруспен және әншінің сіңлісі Ноамен бірге қол ұстасып келді. Майлидің өгей сіңлісі Лили-Роуз Пёрселл Instagram-да «M+M» белгісі бар мәзірдің суретін жариялады: қонақтарға филе-миньон мен лобстер қосылған равиоли, ал десертке шоколад-карамель торты, крем-брюле және таңқурай сорбеті ұсынылған.
Морандо Сайрустың қыркүйекте шыққан Let’s Get Married әніне түсірілген клипте ойнады:
Жұптың осы демалыста некелесетінін TMZ бейсенбіде хабарлаған. Сайрус пен Морандо 2021 жылдан бері бірге — олар соқыр кездесуде танысқан. Олардың құда түскені 2025 жылғы желтоқсанда әнші «Аватар: От пен күл» фильмінің премьерасына жүзік тағып келгенде белгілі болды, ал қазанда жұп Лос-Анджелестегі «Голливуд-боул» сахнасында Let’s Get Married әнін бірге орындады. Морандо 28 жаста, ол Liily тобының барабаншысы. Сайрус 33 жаста, дүйсенбіде оған 34 толады. Әнші үшін бұл екінші неке: 2018 жылы ол актер Лиам Хемсвортқа тұрмысқа шыққан, бірақ бір жылға жетпей жұп ажырасып кеткен.



