Мазмұнға өту
2026 жылғы 22 қараша, жексенбі

Полиция жолдан шығып кеткен дағыстандықтарға көмектесті

Істен шыққан көлікті Атырауға жеткізу үшін патрульдік полицейлер сол бағытта келе жатқан жүк көлігін тоқтатты.

Шеврон Министерства внутренних дел Казахстана на форме полицейского
Фото из архива: Polisia.kz

Патрульдік полиция қызметкерлері Ақтөбе — Атырау — Астрахань тасжолының 523-шақырымында Mercedes-Benz Sprinter микроавтобусы жолдан шығып кеткен Дағыстан азаматтарына көмектесті. Бұл туралы ҚР ІІМ хабарлады.

Жолдан шығып кеткен микроавтобусты қызмет барысында патрульдік полицейлер Аманбек Бақтығалиев пен Құлтай Тынышбай байқаған. Көлік ішінде Дағыстан Республикасының азаматтары болған, ал автокөліктің өзі істен шыққан.

Адамдарға көмектесу үшін полицейлер сол бағытта келе жатқан жүк көлігін тоқтатып, оның көмегімен микроавтобусты Атырауға дейін жеткізуді ұйымдастырды. Осылайша Дағыстан азаматтары жолдағы қиын жағдайдан шықты.

ІІМ тасжолдағы бейнежазбаны өзінің Telegram-арнасында жариялады:

«Осындай сәттерде полиция қызметкерлерінің дер кезінде көрсеткен көмегі жолда қалған азаматтар үшін үлкен қолдау болары сөзсіз», — деп атап өтті ведомство.

Бұған дейін ШҚО полицейлері дронның көмегімен 30 жылқыны бірнеше сағаттың ішінде тапқан еді, ал иесі оларды үш аптадан астам өзі іздеген.

БөлісуTelegramWhatsAppVKFacebookX

Сондай-ақ оқыңыз