Актриса Аружан Жазылбекова мен жұбайы Ержан Алдабергенов қызы Сараның алғашқы туған күнін атап өтті. Қызы 11 қарашада бір жасқа толды. Отбасылық мерекеден түскен суреттерді Аружан Instagram-да жариялады.
Мерекеге актриса өзі дайындалды: бөлмені гирляндалармен және әуе шарларымен безендірді. Кейбір әшекейлерді ол мереке қарсаңында түнделетіп аяқтады. «Сағат 23:00. Ертеңге арналған соңғы гирлянданы тігіп бітіріп жатырмын, сен дүниеге келген күнді еске алып отырмын», – деп жазды Аружан.
Жазбасын ол қызына арнады. «Сенің күн сайын өзгеріп, өсіп келе жатқаныңды көріп отыру – қандай бақыт», – дейді актриса. Оның айтуынша, Сара ата-анасына мол махаббат сыйлайды: «Сенде қаншама махаббат бар десеңші. Әкең екеумізге де соншама махаббат сыйлайсың». Жазбасын ол былай аяқтады: «Сені қатты жақсы көремін, Сара! Саған жай ғана қарап, даусыңды тыңдап, құшақтағанды жақсы көремін. Сенімен байланысты бәрін жаным сүйеді. Менің балапаным! Туған күніңмен!»
Аружан Жазылбекованың мерекеден бөліскен жазбасы:
Жазба астында актрисаның жазылушылары отбасын құттықтап жатыр.
Сара 2025 жылғы 11 қарашада дүниеге келген, ол – Аружанның тұңғышы. Сол кезде ерлі-зайыптылар «енді осы күні біздің Сарамыз дүниеге келді» деп жазып, өздерінің «әлемдегі ең бақытты ата-ана» екенін айтқан. Ержан Алдабергенов – Zamandas подкастының жүргізушісі.
Аружан Жазылбекова 1986 жылы Алматыда туған. Көрермендер оны «Рэкетир 2: Возмездие» және «Анаға апарар жол» фильмдерінен, сондай-ақ «Золотая Орда» сериалынан таниды.
