Қазақстандық аралас жекпе-жек шебері Артём Резников «Халк» лақап атты ресейлік Али Баговпен қайта кездеседі. Жекпе-жек 2027 жылғы 5 қаңтарда Каспийскіде (Дағыстан) Али Әлиев атындағы Спорт және жастар сарайында «Бросок 7» турнирінде өтеді. «Бросок» лигасы белдесулерді күрес ережесімен өткізеді, сондықтан қарсыластар MMA ережесімен емес, күрес ережесімен сынға түседі.
Ұйымдастырушылар жекпе-жекті Instagram-да жариялап, оны кабардин-балқар мен қазақстандық күрестің қайсысы мықты екенін анықтайтын тартыс ретінде таныстырды. Белдесудің ұраны – «Жеңімпаз бәрін алады».
Резников пен Баговтың алғашқы кездесуі 2023 жылғы 24 желтоқсанда Мәскеуде ACA 168 турнирінде өткен. Сол жолы Багов төртінші раундта техникалық нокаутпен жеңіске жеткен.
Қаңтардағы белдесуге дейін Резниковтің тағы бір реваншы бар: 25 желтоқсанда Санкт-Петербургте ACA 211 турнирінде ол Заур Гаджиевпен қайта жұдырықтасады. Олардың шілдеде Алматыда ACA 205 турнирінде өткен алғашқы жекпе-жегі төрешілердің бөлек шешімімен тең нәтижемен аяқталған. 34 жастағы Резников – ACA лигасындағы ең тәжірибелі қазақстандықтардың бірі, ол мұнда оннан астам жекпе-жек өткізген.
