Қатысушылары Ұлы Отан соғысына қатысқан туыстарының суретін ұстап шеруге шығатын «Өлмес полк» акциясы Қазақстанда Жеңістің 70 жылдығы қарсаңында пайда болды.
Алматыда акция алғаш рет 2014 жылғы 9 мамырда, Жеңістің 69 жылдығы күні өтті. Zakon.kz әкім баспасөз қызметіне сілтеме жасап хабарлағандай, қала тұрғындары мерекелік шараларға соғысқа қатысқан туыстарының суреттерімен келді. Сол күні Алматы әкімі Ахметжан Есімов ардагерлермен бірге 28 гвардияшыл-панфиловшылар атындағы саябақтағы Мәңгілік алауға гүл шоқтарын қойды. Әкімдік деректеріне қарағанда, ол кезде қалада соғыстың 1033 қатысушысы мен мүгедегі, қаза тапқан және қайтыс болған майдангерлердің 1517 жесірі, 98 блокадашы, концлагерьлердің 65 бұрынғы тұтқыны және 20 835 тыл еңбеккері тұрған.
Жеңістің 70 жылдығы атап өтілген 2015 жылы акция Астанада да алғаш рет өтті. Informburo келтірген елорда әкімдігінің деректеріне сәйкес, ол жолы шеруге 1500-ге жуық адам қатысқан.
Zakon.kz, Informburo материалдары бойынша.
