Алматыда 19 маусымда Масанчи көшесі, 92 мекенжайындағы «Зам-Зам» лағманханасы өртенді. Өрт 80 шаршы метр аумақты шарпыды, бір әйел иіс газынан уланды. Бұл туралы қалалық ТЖД баспасөз қызметі хабарлады.
Өрт туралы хабар кезекші қызметке сағат 13:29-да түсті. «Күштер мен құралдар жоғарылатылған екінші нөмір бойынша жіберілді», — деді ведомстводан. Өрт сөндірушілер оқиға орнына жеткенде хабар расталды. Өрт 14:15-те толық сөндірілді.
Иіс газынан жеңіл уланған әйел жедел медициналық жәрдем ауруханасына жатқызылды.
ТЖД мәліметінше, бұл жерде ғимараттар бір-біріне жақын орналасқан, сондықтан өрттің көрші құрылыстарға тарау қаупі болған. «Өртке қарсы қызмет қызметкерлерінің кәсібилігі мен жеделдігінің арқасында өрт уақытында ауыздықталды», — деп атап өтті баспасөз қызметі.
Өртті сөндіруге алты бірлік негізгі және төрт бірлік арнаулы техника жұмылдырылды. Өрттің шығу себебі анықталып жатыр.
«Радиоточка» материалдары бойынша.
