Қазақстандық төреші Наргис Магау УЕФА-дан әйелдер Чемпиондар лигасы жалпы кезеңінің үшінші турындағы «Кёге» — «Барселона» матчына тағайындау алды. Ол бас төрешінің көмекшісі болып жұмыс істейді. Ойын 29 қазанда Данияда өтеді және Орталық Еуропа уақытымен сағат 21:00-де, Астана уақытымен 30 қазанда сағат 01:00-де басталады.
Бригаданы беларусьтік Волга Блоцкая басқарады. Екінші көмекші — Солтүстік Ирландиядан Рэйчел Грир, төртінші төреші — Марина Живкович. VAR бөлмесінде сербиялық төрешілер Елена Йованович Джайич пен Павле Томич жұмыс істейді.
«Барселона» екі турдан кейін алты ұпай жинаған жалғыз команда болды. Екінші турда каталониялықтар Римде «Романы» 6:0 есебімен ойсырата жеңді. Сол матчта қазақстандық Татьяна Сорокопудова VAR бригадасында алғаш рет жұмыс істеді.
Қазан айында Сорокопудова Босния және Герцеговинадағы 19 жасқа дейінгі қыздар арасындағы Еуропа чемпионатының матчтарына да тағайындалды.
