ҚФФ Қазақстан Премьер-лигасының 2026 жылғы маусымындағы 30-шы, соңғы турына төрешілер бригадасын тағайындады. Сегіз ойынның бәрі бір күнде — 31 қазанда өтеді. «Қайрат» пен «Алтай» кездесуін көкшетаулық Антон Кучма төрелейді. Турдың әр матчында VAR және AVAR операторлары жұмыс істейді.
Кучмаға шымкенттік Евгений Филипчук пен қостанайлық Максим Панин көмектеседі, резервтегі төреші — алматылық Биржан Сержанұлы. Бейнеқайталауды астаналық Айдын Тасыбаев пен Нұржан Жунусов қадағалайды, матч инспекторы — қарағандылық Артём Кучин.
Қостанайдағы «Тобыл» — «Ақтөбе» ойынын алматылық Рустам Омаров жүргізеді. Маусым соңында «Ақтөбеден» кететінін мәлімдеген Нани үшін бұл клуб сапындағы соңғы ойын болуы мүмкін. Омаровқа оралдық Вячеслав Равдель мен атыраулық Артём Волков көмектеседі, резервтегі төреші — қостанайлық Станислав Шелег. VAR — қарағандылық Татьяна Сорокопудова, AVAR — өскемендік Антон Молтусинов, инспектор — астаналық Бағдат Тусеев.
«Жетісу» — «Астана» матчына таразылық Бағдат Абдуллаев тағайындалды. Көмекшілері — таразылық Дмитрий Филоненко мен семейлік Данияр Серікболов, резервтегі төреші — шымкенттік Елдос Қанаев. VAR бригадасында ақтөбелік Саят Суликанов пен қарағандылық Дмитрий Быстров жұмыс істейді, инспектор — өскемендік Руслан Дузмамбетов.
«Ертіс» — «Ордабасы» ойынын астаналық Саят Қарабаев өткізеді. Оған алматылық Сергей Васютин мен таразылық Амангелді Жүсіпов көмектеседі, резервтегі төреші — петропавлдық Станислав Пучков. VAR — көкшетаулық Данил Горда, AVAR — алматылық Кирилл Ткачев, инспектор — алматылық Эльвира Нұрмұстафина.
«Жеңіс» — «Қайсар» матчын павлодарлық Григорий Московченко төрелейді, оған қарағандылық Иван Филатов пен Мансур Сайдулаев көмектеседі. Резервтегі төреші — қостанайлық Ануар Қазбеков, VAR — оралдық Нариман Талапкеров, AVAR — таразылық Сәкен Байымбет, инспектор — өскемендік Павел Салий.
«Елімай» — «Оқжетпес» ойынына өскемендік Александр Затула тағайындалды. Көмекшілері — оралдық Темірбек Ысқақов пен павлодарлық Евгений Карлов, резервтегі төреші — семейлік Дмитрий Вишняков. VAR — талдықорғандық Сергей Ноженко, AVAR — атыраулық Сергей Калачев, инспектор — түркістандық Құрманбек Ордабаев.
«Каспий» — «Қызылжар» кездесуін қызылордалық Данияр Сахи жүргізеді. Оған павлодарлық Евгений Кольев пен көкшетаулық Антон Сысоев көмектеседі, резервтегі төреші — ақтаулық Сағадат Идрисов. VAR — атыраулық Руслан Сұлтанғалиев, AVAR — талдықорғандық Денис Измайлов, инспектор — алматылық Қайрат Сламбеков.
«Ұлытау» — «Атырау» матчы астаналық Георгий Чеховскийге сеніп тапсырылды. Көмекшілері — қостанайлық Иван Гриценко мен таразылық Әлішер Мыңбаев, резервтегі төреші — қарағандылық Михаил Бильдинов. VAR — оралдық Денис Тевяшов, AVAR — семейлік Станислав Лесив, инспектор — семейлік Виктор Заякин.
Чемпион әлдеқашан анықталды: «Ордабасы» Премьер-лиганы мерзімінен бұрын жеңіп алды. 7 қарашада шымкенттіктер «Қайсармен» Түркістандағы Қазақстан кубогының финалында кездеседі.
