Мазмұнға өту
2026 жылғы 16 қараша, дүйсенбі

Ямаль Андерсонды «ақымақ» деді, ағылшындар оған «Алтын допты» еске салды

Испан жанкүйерлері бұған жауап ретінде Джуд Беллингемнен басқа Англия құрамасының барлық ойыншысын ысқырып қарсы алды.

Ламин Ямаль бьёт по воротам Яна Облака в матче «Барселоны» и «Атлетико»
Фото: AP

Ламин Ямаль «Метрополитанода» өткен Испания — Англия (2:3) Ұлттар лигасы ойынында алаңнан қуылған Англия құрамасының жартылай қорғаушысы Эллиот Андерсонға ашуын төкті. Goal мәліметінше, вингер қарсыласына тақап келіп, бетіне: «Ақымақ, ақымақ», — деген.

Бұл оқиға есеп 0:3 болып тұрғанда болды. Ямаль доп Джарелл Куансадан тартып алып, Джеймс Траффордпен бетпе-бет шыға берген сәтте Андерсон оны артынан құлатты. Төреші пенальти тағайындап, айқын гол сәтін бұзғаны үшін ағылшынға тікелей қызыл қағаз көрсетті. Ямаль Андерсонды алаңнан тезірек кетуге ымдады, ал Микель Ойарсабаль айып добын гольге айналдырды.

Ағылшын жанкүйерлері кеш бойы Ямальға тыныштық бермеді. Олар әлемнің ең үздік ойыншысы Гарри Кейн деп ән салып, испандықты «Алтын добы» жоқ деп мазақ етті. Ойын басталмай тұрып-ақ ағылшын жанкүйерлері чемпиондар құрметіне шығарылған Әлем кубогы рәсімін ысқырып қарсы алды, ал испан көрермендері жауап ретінде Джуд Беллингемнен басқа қонақтардың барлық ойыншысын ысқырды.

«Алтын доп» төңірегіндегі дау марапатты Кейн алғаннан бері толастар емес. Англия құрамасының жартылай қорғаушысы Деклан Райс капитанын қолдап: «Мен үшін және Англиядағы барлық адам үшін Гарри „Алтын допқа“ лайық болды», — деді. Сонымен қатар Райс Ямаль әлі талай «Алтын доп» ұтатынын айтты.

Азшылықта ойнаған Англия 3:2 есебімен жеңісті сақтап қалып, испандықтардың рекордтық жеңіліссіз сериясын үзді және топта бірінші орынға шықты.

БөлісуTelegramWhatsAppVKFacebookX

Сондай-ақ оқыңыз