Мазмұнға өту

УЕФА Англия құрамасын Мадридтегі жанкүйерлер ұрандары үшін жазалады

Қонақтағы матчқа билет сатуға тыйым екі жылға шегерілді, ал Англия футбол қауымдастығы £12 600 айыппұл төлейді.

Вымпел сборной Англии перед матчем Лиги наций с Испанией в Мадриде 15 ноября 2026 года
Фото: Sky Sports

УЕФА Испаниямен Мадридте өткен Ұлттар лигасы ойынында жанкүйерлердің «нәсілшіл және/немесе кемсітушілік мінез-құлқы» үшін Англия футбол қауымдастығын жазалады. Құрама бір қонақтағы матчқа өз жанкүйерлеріне билет сатуға тыйым алды, бірақ жаза екі жылдық сынақ мерзіміне шегерілді. Бұған қоса, ФА £12 600, яғни шамамен 7,4 млн теңге айыппұл төлейді. Бұл туралы 19 қарашада Sky Sports хабарлады.

Sky Sports News мәліметінше, санкциялар ағылшын жанкүйерлерінің ойын кезінде айтқан католиктерге және ирландтарға қарсы ұрандарына байланысты. Егер екі жыл ішінде жанкүйерлер тағы ережені бұзса, тыйым күшіне енеді де, Англия құрамасының бір қонақтағы матчына оның жанкүйерлері билет ала алмайды.

ФА кінәлілерді іздейтінін мәлімдеді. «Біз мұндай қолайсыз әрі қатты қорлайтын ұрандарға жол бермейміз және кінәлілерді анықтап, қажетті шара қолдану үшін Англия құрамасының барлық үй және қонақтағы матчтарына қатысатын полициямен бірге жұмыс істейміз», — деді қауымдастық өкілі телеарнаға.

15 қарашада «Метрополитанода» өткен матчта ағылшындар 3:2 есебімен жеңіп, әлем чемпиондарының рекордтық жеңіліссіз сериясын үзді. Ойын алдында да нәсілшілдік тақырыбы көтерілген еді: Англия бапкері Томас Тухель мен Испания бапкері Луис де ла Фуэнте испан стадиондарындағы кемсітушілік мәселесі туралы ашық пікір таластырды.

БөлісуTelegramWhatsAppVKFacebookX

Сондай-ақ оқыңыз