«Астана-ӨЭК» АҚ 27, 28 және 29 қазанда Сарыарқа, Алматы және Есіл аудандарында электр қуаты жоспарлы түрде өшірілетінін ескертті. Жарық электр желілерін жөндеу, ағаштарды кесу және жабдықтағы өзге де жұмыстар кезінде бірнеше сағатқа сөндіріледі.
27 қазанда Сарыарқа ауданында сағат 01:00-ден 02:00-ге дейін Ардагерлер көшесіндегі 33, 33/1, 38, 38/1, 38/2 үйлер мен оған іргелес жеке сектор, сондай-ақ Титов, Сұлукөл және Қайыңды көшелері жарықсыз қалады. Сол күні сағат 09:00-ден 12:00-ге дейін Алматы ауданындағы Оңтүстік-Шығыс тұрғын алабында Мұстафа Шоқай, Игішев, Марков және Бастөбе көшелерінде жарық болмайды. Есіл ауданында сағат 08:30-дан 13:00-ге дейін «Полет», «Авиатор», «Тюльпан», «Черемушки», «Керамика-2», «Вишенка» және «Зеленая поляна» саяжай серіктестіктері электрсіз қалады.
28 қазанда жұмыс Алматы ауданында жалғасады. Сағат 14:00-ден 16:00-ге дейін Тәуелсіздік даңғылы, 58 мекенжайындағы «Азур» тұрғын үй кешенінде, ал 09:00-ден 16:00-ге дейін Оңтүстік-Шығыстағы Өзбекәлі Жәнібек, Бұлбұл және Н. Ахметбеков көшелерінде жарық өшіріледі.
29 қазанда сағат 08:30-дан 12:00-ге дейін Қ. Сәтбаев көшесіндегі 11, 11а, 13, 13а, 13/1 және 15 үйлерде, Күйші Дина көшесіндегі 11/1 және 13 үйлерде және Майлин көшесіндегі 5-үйде жарық болмайды. Сағат 09:00-ден 13:00-ге дейін Железнодорожный тұрғын алабында жарық сөндіріледі: Маяковский, 4–5А, Жабаев, 26–64/2, Ақтасты, 2/1–41, Степная, 1–15А, Мусабаев, 1–24, Әубәкіров, 1–13, Көкжазық, 12–19, Ақжар, 1–25 және Горький, 3.
Энергетиктер осы мекенжайлардың тұрғындарына істерін кестені ескеріп, алдын ала жоспарлауға кеңес береді. 23 қазанда жоспарлы жұмыстар елорданың төрт ауданында — Алматы, Байқоңыр, Нұра және Сарыарқада жүргізілді.
Желілерді күзгі жөндеу жылыту кезеңінің басталуымен тұспа-тұс келді: елдің 18 өңірінде жылыту маусымы басталды.
